Lamtumirat nuk mund të shmangen dhe gjithmonë janë pjesë e jetës, normalisht edhe futbolli nuk mund të ishte një rast i veçantë. Megjithatë për të vetmen gjë që mund të shpresohet, është që ato të vijnë në momentin e duhur.
Ajo e Iniestës me Spanjën nuk ishte mënyra më e mirë për të ndodhur, por gjithsesi është koha që mesfushori të largohet nga “furia e kuqe”. Spanjollët janë larguar nga Botërori i Rusisë, pasi u mundën nga Rusia në “ruletën ruse”.
Nëpërmjet një letre drejtuar Spanjës, mesfushori 34-vjeçar është shprehur i lumtur për vitet që ka kaluar duke mbrojtur fanellën e kësaj Kombëtare dhe e ka quajtur atë si kurorëzimin e ëndrrës së fëmijërisë.
“Kam 14 vite që kam veshur fanellën e Spanjës dhe kur nuk kam për t’i harruar këto momente. Kjo ishte ëndrra e jetës time, të mbroja ngjyrat e kombit që unë përfaqësojë. Ishte vërtet e veçantë, nuk ishte vetëm një ëndërr, por edhe përgjegjësi.
Unë kam bërë më të mirën për t’i bërë njerëzit krenar dhe mendoj se kam qenë me fat, që isha pjesë e sezonit ku Spanja fitoi Kupën e Botës. Kemi bërë arritje të mëdha, ato të cilat i kemi ëndrra që fëmijë. Faleminderit për ndihmën që më kemi dhënë pasi më keni bërë një lojtar më të mirë. Ishte një nderim të isha këto vite me ju”, ka thënë për Iniestën.
