Eliminimi i Argjentinës nga Kupa e Botës solli shumë zhgënjim te tifozeria dhe jo vetëm, duke qenë se këtë sezon pretendohej titulli kampion.
Mesa duket, ish-kapiten i Interit, Havier Zaneti, e ka pritur këtë eliminim, duke qenë se nuk është shprehur shumë i mërzitur në prononcimet e ndryshme në media.
Ai ka treguar se tani e tutje do të bëjë tifo për një skuadër tjetër në këtë Botëror.
“Me eliminimin e Argjentinës, Botërori merr një kuptim tjetër. Nuk mund ta shmangia unë këtë eliminim, prandaj më mbetet të mbështes një ekip tjetër. Në përballjen Brazil-Meksikë, do të jem me Meksikën dhe shpresoj që të shkojnë sa më lart”, u shpreh Zaneti.
