Portugalia pësoi një humbje 2-1 kundër Uruguait mbrëmjen e së shtunës në Soçi, duke u eliminuar nga Kupa e Botës. Por, ylli i kësaj skuadre Ronaldo duket se e marrë me sportivitet disfatën.
Të dielën, skuadra luzitane u largua nga Rusia nga Aeroporti “Zhukovsky” në periferi të Moskës. Ronaldo është shfaqur duke buzëqeshur teksa hipte në avion për tu larguar nga Rusia.
Pas disfatës së djeshme, Ronaldo citohet të ketë thënë se do largohet i lumtur nga Rusia.
“Organizimi [në Rusi] ishte një surprizë pozitive. Mendoj se turneu është shumë i strukturuar mirë, shumë siguri. Unë largohem që këtu i lumtur. Gjërat nuk ishin ato që dëshironim [në fushë], por në nivelin e sigurisë ishte shumë mirë”, citohet CR7 nga “globo.com”.
