‘El Matador’ nuk po ecte mirë kur në orën një të natës me orën lokale u sulmua nga shtypi në zonën mikse. Ecte i qetë dhe ngadalë: pasi ka nxjerrë jashtë Botërorit 5 herë “Topin e Artë” Ronaldo dhe Portugalinë e tij. Edison Cavani ka buzëqeshjen e stampuar dhe lumturinë pavarësisht “shpimit me gjilpërë” në këmbën e majtë për ndeshjen kundër Francës. “Por, në të njëjtën kohë, jam i lumtur sepse kam bërë të lumtur popullin tim. Shpresoj që të jem në ndeshjen tjetër, do të bëj gjithçka, për momentin nuk di gjë më shumë”. Pikërisht sot, ose maksimumi nesër do të zgjidhet, Cavani do të bëjë të gjitha testet dhe do të marrë përgjigjen për të ardhmen në këtë Botëror.
Kur lojtarët dalin në intervistë, ata e bëjnë nën ritmin e muzikës dhe nuk ka asnjë që nuk i referohet popullit për këtë kombëtare që ka ditur t’i gëzojë të gjithë. “Ju më pyesni mua për golin, por unë jam shumë i lumtur”, përsërit Cavani. “Por, emocionet që më kanë dhënë tifozët kur i shihja të lumtur, kjo është diçka unikale”.
