Harry Kane ka përherë dëshirë për të luajtur, por ulja e nivelit të lojës në ndeshjen kundër Belgjikës nënkupton se ata do të luajnë fort kundër Kolumbisë të martën në mbrëmje për të kaluar në fazën tjetër të Botërorit.
Të ecësh sipas rregullit “të jesh po aq i mirë sa në ndeshjen e fundit”, Kane kthehet te ndeshja kundër Panamasë ku ai u kthye në njeri të artë. Për këtë ylli i Tottenham-it tha: “Si një sulmues, unë jam në kërkim të golit, veçanërisht kur topi të vjen te këmbët dhe arrin që të gjesh rrjetën. Një sulmues dëshiron që të jetë në fushë dhe të shfrytëzojë çdo shans”.
“Për ndeshjen kundër Belgjikës donim që të freskonim këmbët. Kështu që për t’u freskuar ne, trajneri iu dha një mundësi të tjerëve. Jo gjithnjë mund ta kesh shansin për diçka të tillë në një turne madhor. Ne patëm shansin dhe kështu që jemi gati për takimin e së martës. Në ndeshjen e fundit shënova tripletë dhe kjo është mënyra se si e shoh unë atë”, vijoi Kane.
“Ndoshta, nëse do të kisha luajtur dhe të mos shënoja, tani do isha duke menduar: Unë nuk shënova në takimin e fundit. Por, unë shënova tripletë dhe jam i gatshëm të vazhdoj rrugën time”.
24-vjeçari që ka një talent të çmendur dhe që është kthyer në një yll të Premier League, por dëshiron që të jetë botëror, ndaj ai duhet të bazohet te pesë golat e tij që ka shënuar në Rusi.
