Janë shoqëruar për tu marrë në pyetje efektivët e Gardës që konstatuan trupin e pajetë të 31 vjeçarit i cili punonte si shofer i Ministrit të Brendshëm Fatmir Xhafaj.
Rreth orës 09: 30 minuta të së shtunës (30 qershor) Shkëlzen Qordja u gjet me plumb në kokë brenda në makinë tip Hyundai në vendin e shoferit dhe afër tij u gjet pistoleta, arma e shërbimit.
“Sot rreth orës 09:30 të mëngjesit, në garnizonin e Gardës së Republikës është gjetur i pajetë brenda garazhit, të caktuar për mjetet e Ministrisë së Brendshme, gardisti me detyrë funksionale shofer i Ministrit të Brendshëm, shtetasi Sh.Q., 31 vjeç. Trupi i pajetë u konstatua nga punonjës të Gardës.
Në vendngjarje ndodhen drejtues të policisë së Tiranës dhe të Policisë së Shtetit për të kryer hetime të plota.
Pista kryesore e hetimit është ajo e vetëvrasjes por të gjitha pistat janë të hapura
