Nga Boldnews.al
Kryeministri Edi Rama dhe artistët kanë një përballje të hershme në lidhje me shembjen e Teatrit Kombëtar. E provoni kur ishte Ministër Kulture të rrënonte godinën e teatrit, por pas kundërshtisë së aktorëve Rama u tërhoq. Për të bërë realitet “ëndrrën” e tij, Rama nxiti Erion Veliajn, si të vetmin personazh që arrin të mashtrojë këdo, në çdo kohë e çdo formë. Mjafton që të arrijë qëllimin, që në këtë rast është ngritja e shtatë kullave pranë truallit të Teatrit Kombëtar.
Në takimin me një përfaqësi artistësh, Lali Eri shkroi se “marrëveshja u arrit”, Teatri Kombëtar do të shembet, trualli nuk preket. Në projektin e siguruar nga Partia Demokratike duket qartë se tre nga shtatë kullat 30-40 kate do të ngrihen pikërisht mbi truallin e Teatrit Kombëtar. Në bazë të dokumentave që disponon teatri, prona e saj është regjistruar në hipotekë në hapësirën 7900 m2, prej të cilës 5.522 m2 janë pronë truall e Teatrit Kombëtar, ndërsa pjesa tjetër objekt, për të cilin Veliaj tha se nuk preket asnjë centimetër.
Edhe në këtë rast mashtrimi i Veliajt duket sheshit, por pasi të jetë rrafshuar përfundimisht godina e Teatrit Kombëtar, Veliaj ka parashikuar edhe mënyrën për të “justifikuar” mashtrimin e tij të hapur. Artistëve do u thotë se do u lërë 5.522m2 godinë të shfrytëzueshme nga teatri i ri, ndërsa truallin do e zënë kullat, si “baskshish” për kompaninë e privilegjuar të bashkisë “Fusha shpk”.
Gjithashtu kalimi i projektligjit të qeverisë me procedurë të përshpejtuar në Parlament, ishte alarmi i parë se gjithçka është kopsitur dhe artistët dhe një pjesë e qytetarëve që kundërshtojnë prishjen e godinës së Teatrit Kombëtar mbajnë gjallë një shpresë të kotë. Lali Eri i mashtroi haptas një herë dhe po përgatit edhe mashtrimin e radhës kur tu marrë truallin dhe ngrejë mbi të shtatë kulla në një nga zonat më të preferuara të Tiranës.
