Një shqiptar në Greqi është dorëzuar vetë në Polici dhe ka rrëfyer se është ai personi që vrau brutalisht patriotin e tij 26 vjeçar, Mario Leska në Athinë.
Shqiptari shkoi në Polici të enjten në mëngjes dhe e rrëfeu veprimin e tij. Ai tha se kishte pasur shkaqe personale që e detyruan ta vriste bashkatdhetarin e tij dhe ta linte në mes të rrugës.
Pas kësaj, ndaj tij ka filluar ndjekja penale për vrasje. Ngjarja e rëndë ka ndodhur në orët e para të mëngjesit të 27 qershorit, në Peristeri, ku shqiptari Mario Leska u sulmua me thikë dhe gjeti vdekjen nga plagët e marra.
