Partia Demokratike deklaron se droga dhe pastrimi i parave të pista nga organizatat kriminale me mbështetje qeveritare janë dy arsyet kryesore që Shqipërisë nuk ju hapën negociatat dhe as kanë për t’iu hapur në qershor të 2019.
Deputeti, Flamur Noka, tha se dëshmia e zyrtarëve të policisë italiane dhënë gazetës ‘Liberatio’ se në Shqipëri vazhdon të mbillet kanabis në sasira të mëdha është provë tjetër Se Edi Rama mashtron kur thotë se ka hequr Shqipërinë nga harta ku prodhohet kanabis.
“Në Bari është bllokuar 10 ton drogë në katër muajt e fundit, që nuk është prodhim nga stoku i vjetër por prodhim i muajve të fundit, koha kur Rama shpalli fitoren kundër kultivimit të drogës.Mediat europiane shkruajnë se paratë e drogës janë para të politikës në pushtet”, tha deputeti demokrat.
Deputeti Noka tha se “është koha të largojmë Edi Ramën dhe baandën e tij që ti hapim rrugën Shqipërisë drejt Europës”.
