Ditë zie në kampin gjerman. Kombëtarja e tyre u eliminua që në fazën e grupeve nga Kampionati Botëror duke shokuar të gjithë opinionin sportiv.
Mbrojtësi gjerman Mat Hummels e ka shumë të vështirë ta përshkruajë këtë disfatë, teksa në një prononcim për mediat pas ndeshjes u shpreh: “Jemi të zhgënjyer, nuk mund ta përshkruaj. Krijuam mjaftueshëm raste për të shënuar, por nuk ishte mbrëmja jonë. Asnjë skuadër nuk është e lehtë në këtë kompeticion dhe këtë e pamë dhe sot.
Ndeshja ndaj Meksikës na ka kushtuar shumë. Po të kishim marrë qoftë edhe një pikë ndaj tyre në ndeshjen e parë, nuk do të kishim dalë në sulm me 10 lojtarë në ndeshjen e sotme.
Një disfatë shumë e rëndë, u përmirësuam nga ndeshja e parë, por nuk mjaftoi. Në fund dolën në kërkim të golit dhe humbëm pozicionet në prapavijë dhe si pasojë u ndëshkuam”.
