Trajneri i Spanjës, ka kritikuar futbollistët e tij pas barazimit 2-2 ndaj Marokut.
“Pas shumë vuajtjesh ia dolëm, e dinim që do të bënin gjithçka kundër nesh dhe do hidhnin më të mirët në fushë, siç bënë. Duhet të bëjmë autokritikë, ky nuk është rrugëtimi ynë, nuk mund të lejojmë kaq shumë raste. Si të mirat, si të këqijat në këtë ndeshje i kemi bërë ne.
Nëse duam të arrijmë ku duam, duhet të rregullojmë disa detaje, çdo rast që krijojnë kundër nesh pësojmë gol. Duhet të jemi të parët që bëjmë autokritikë. E dimë që ka mundësi përmirësimi. Kemi forcë ofensive, lojtarë me cilësi, por duhet të rregullojmë lojën në tranzicion, pasi ku ekipet që bëjnë lojë fizike na shkaktojnë shumë dëme”, tha Hierro pas ndeshjes.
