Deputeti i PD, Tritan Shehu, nga Strasburgu, ka njoftuar se ka pasur një takim me Presidentin e KE, Juncker. “Duhet bërë e pamundura deri në çastin e fundit” shprehet Shehu lidhur me përpjekjet për hapjen e negociatave.
“Në Strasburg, Këshilli i Europës, – shkruan deputeti demokrat nën foto. – Një takim e bisedë me Presidentin e Komisionit Europian, z.Juncker. Pa dyshim, të gjitha përpjekjet tona janë koncentruar në një pikë, në arritjen e hapjes së negociatave për anëtarësimin e vendit tonë në BE.
Hezitimet e disa vendeve janë reale e të forta, të lidhura këto me problemet serioze që ka Shqipëria. Megjithatë duhet bërë e pamundura për zgjidhjen më të mirë të mundshme, deri çastin e fundit.”
