Drejtoresha e Bibliotekës Kombëtare, Persida Asllani, në një konferencë për mediat ka bërë të ditur detaje në lidhje me përmbytjen e institucionit që ajo drejton.
Asllani tha se ende nuk dihet se nga ka ardhur përmbytja, por sipas saj janë lajmëruar institucionet përkatëse dhe do të bëjnë ekspertizën.
Më tej drejtoresha deklaroi se Biblioteka Kombëtare është jashtë standardeve për të vijuar punën dhe është në gjendje alarmante.
Pjesë nga konferenca
Materialet që thahen i vendosim në një mjedis tjetër, që më pas futen sërish në punë.
Ka pasur parregullsi në ndërtime që kanë sjellë këtë përmbytje?
As unë dhe askush deri tani nuk e ka këtë ekspertizë së nga çfarë u shkaktua kjo përmbytje. Presim përgjigje nga institucionet.
Nga është futur uji?
Ende nuk e kuptojmë se nga ka hyrë ujë se nuk ka gjurmë në mure por vetëm përmbytje në dysheme.
A është Biblioteka Kombëtare në standardet e mundshme?
Jo është jashtë standardit për të ruajtur nga uji dhe jemi në gjendje alarmante.
A keni humbje nga kjo përmbytje?
Jo deri tani çdo libër është rikuperuar, nuk ka pasur asnjë humbje.
Cila është përgjegjësia juaj?
Ju mendoni se kam përgjegjësi për një përmbytje. Unë përgjigjem për mbarëvajtjen e institucionit.
