Thibaut Courtois thotë se ka shumë krenari, që Belgjika dhe Anglia do të takohen në Kaliningrad, të enjten, për të përcaktuar se kush e fiton kreun e Grupit G. Të dyja skuadrat kanë konfirmuar kalimin në fazat e eliminimit direkt, me pikë të plota pas dy ndeshjeve të para.
Courtois thotë se është e rëndësishme të vazhdohet me momentin e ndërtimit gjatë një turneu, duke shtuar se fakti që shumë nga lojtarët e Belgjikës luajnë në Premier League, përbën një nxitje shtesë për triumf.
“Unë nuk mendoj se nuk ka shumë rëndësi nëse përfundojmë të dytët, ose të parët në grup, por nëse kemi ndjenjën për të fituar. Në këtë moment është më mirë të vazhdojmë duke fituar, – tha ai. – Për mua ka krenari, ndaj nuk dua të kthehem në Angli në korrik me një ndjenjë humbësi. Bëhet fjalë për prestigj, sepse luhet mes djemsh që njihen mirë dhe dinë gjithçka për njëri-tjetrin”.
Ndërkohë, trajneri i Belgjikës, Roberto Martinez, ka pohuar se mund të bëjë një numër ndryshimesh në formacion për ndeshjen me Anglinë, për të evituar lëndimet dhe pezullimet e mundshme.
Kevin De Bruyne i Manchester City është një nga tre lojtarët belgë me karton të verdhë, ndërsa Romelu Lukaku, Eden Hazard, Dries Mertens dhe Vincent Kompany janë të gjithë në dyshim, me lëndime të lehta.
