Koncerti i Rita Orës, në datë 3 qershor është ende në kujtesën e shqiptarëve të cilët u mblodhën në sheshin “Skënderbej” për të shijuar performancën e këngëtares me origjinë shqiptare.
Një nga femrat që mund ta konsiderojmë me fat pasi u ngjit në skenë për të kërcyer krah Rita Orës gjatë këngës “Girls” ishte edhe Enxhi Çuku.
Kjo e fundit e ftuar në emisionin “Një kat më lart” të Ermal Peçit tregoi emocionet e të kënduarit me të.
“Kisha një ftesë, shkova më herët. U zgjodha, fat. Kam qenë dhe jam fansja e saj. Këngët e Ritës më shoqërojnë tani kudo. Unë e shijova shumë”, tha ajo.
Ermali e ngacmoi duke i thënë se shumë veta kanë menduar se sa lekë ka paguar ose cili është bërë ndërmjetësi për ngjitjen e saj në skenë.
“Rita pagoi, jo unë (qesh). Ku paguaj unë, paguan ajo. Ishte rastësore. Askush nuk pagoi, as unë. Fat dhe vetëm fat”, tha aktorja.
