Një tymnajë e madhe tek Argjentina nga e cila askush nuk do dalë i pastër pasi Argjentina rrezikon eliminimin e pabesueshëm që në fazën e grupeve. Ai që shihet si fajtori më i madh i gjithë kësaj situate është trajneri Jorge Sampaoli të cilin lojtarët e kanë shkarkuar pasi kanë pasur një tentativë mes tyre për ta larguar nga pankina e Argjentinës.
Lojtarët e skuadrës amerikano jugore kanë kërkuar largimin e Sampaolit dhe të vetmenaxhonin ata ndeshejn e fundit në grup ndaj Nigerisë një kërkesë që nuk u pranua nga Presidenti I Federatës argjentinase Claudio Tapia. Por pyetja që shtohet është se kush ishin ata lojtarë që udhëhoqën revoltën kundër Sampaolit dhe mediat bëjnë me dije se janë dy mbi të gjithë.
Leo Messi dhe Javier Mascherano që mund të quhen “vrasësit” e trajnerit Jorge Sampaoli. Messi kapiten dhe Mascherano zevendëskapiten kanë qenë ata që më shumë se kushdo tjetër kanë kërkuar largimin e Sampaolit dhe kanë vënë disa kushte në parg të ndeshjes së fundit në grup ndaj Nigerisë.
Pretendimet e Messit dhe Mascheranos janë:
1- Përjashtimi i portierit Caballero që bëri një gafë të pabesueshme ndaj Kroacisë.
2- Linja e mbrojtjes të kthehet me katër të tillë dhe jo me tre mbrojtësa.
3- Të luajnë titular Lucas Biglia dhe Angel Di Maria.
Do të presim deri të martën në mbrëmje për të kuptuar a do të plotësohen kërkesat e dy futbollistëve kryesor të Argjentinës por një gjë është e sigurtë që Messi me shokë duhet të lënë fjalët dhe të shënojnë për tu kualifikuar.
