Një deklaratë e ambasadorit amerikan, Donald Lu në lidhje me korrupsionin në Gjykatën Kushtetuese dhe atë të Lartë, ka nxitur një reagim të ish-ministrit të Drejtësisë, Ylli Manjani.
Me anë të një postimi, Manjani ka treguar se nuk është dakort me këtë deklaratë, teksa shton se historikisht qeveritë nuk kanë shkuar mirë me Kushtetuesen. Sipas Manjanit, kjo tregon se gjykata e ka bërë mirë punën e saj.
Zyrtari i LSI-së ka vijuar teksa ka akuzuar qeverinë si korruptuesen më të madhe. “Duke shprehur konsideratë tepër të lartë për për Ambasadorin e SHBA në Tiranë, nuk mund të jem dakort me këtë deklarim. Së pari, Gjykata Kushtetuese e Republikës së Shqipërisë në vite k arritur të garantojë kufizimin e qeverive, sa herë ato kanë tentuar të tejkalojnë mandatin kushtetues.
Është fakt që qeveritë nuk kanë “shkuar mirë” me këtë Gjykatë. Ndaj mund të themi se kjo Gjykatë e ka kryer mirë misionin e saj. Ky mision nuk mund të kryhej dot nëse do ishte e korruptuar, sepse qeveria është korruptuesja më e madhe!
Ky mision u krye me guxim, profesionalizëm dhe me përbërje të besueshme të trupës gjyqsore.
Aktualisht, shteti Shqiptar nuk mund të nënshkruajë asnjë marrëveshje me askënd, sepse nuk ka një bend ku të vlerësohet kushtetutshmëria e marrëveshjeve”, ka shkruar Manjani.
POSTIMI I PLOTË:
Jo, jo! S’mund të jetë ashtu!
—————
Zoti Donald Lu ka deklaruar beftas dje, ndër të tjera se:
“…Gjykatën Kushtetuese dhe Gjykatën e Lartë i ka penguar korrupsioni ( dmth jo reforma). Vettingu po i zhbllokon ato…”
—————
Duke shprehur konsideratë tepër të lartë për për Ambasadorin e SHBA në Tiranë, nuk mund të jem dakort me këtë deklarim.
Së pari, Gjykata Kushtetuese e Republikës së Shqipërisë në vite k arritur të garantojë kufizimin e qeverive, sa herë ato kanë tentuar të tejkalojnë mandatin kushtetues.
Është fakt që qeveritë nuk kanë “shkuar mirë” me këtë Gjykatë. Ndaj mund të themi se kjo Gjykatë e ka kryer mirë misionin e saj.
Ky mision nuk mund të kryhej dot nëse do ishte e korruptuar, sepse qeveria është korruptuesja më e madhe!
Ky mision u krye me guxim, profesionalizëm dhe me përbërje të besueshme të trupës gjyqsore.
Aktualisht, shteti Shqiptar nuk mund të nënshkruajë asnjë marrëveshje me askënd, sepse nuk ka një bend ku të vlerësohet kushtetutshmëria e marrëveshjeve.
Ndaj qeveria e sotme “nxiton” të lidhë marrëveshjen e detit me Greqinë, tani që ska Gjykatë! Ajo ndjehet mbi Kushtetutën!
Normal sepse nuk ka kush ta kufizojë!
Se dyti, Gjykata Kushtetuese është gjykatë e të drejtave të njeriut. Ajo garanton liritë dhe të drejtat e çdo individi. Kur mungon gjykata, qeveria ndjehet “legjitime” të rrëmbejë çdo të drejtë e liri të imdividit.
Qeveria e sotme po e bën këtë gjë.
Ndaj asnjë arësye nuk mund të “legjitimojë” lënien e vendit pa Gjykatë Kushtetuese! Asnjë!
Pa këtë gjykatë Shqiptarët nuk mund të shkojnë dot as në Strasburg.
Së treti, Gjykata Kushtetuese, megjithë mangësitë e saj ka qenë me e besueshmja. Ishte e tillë sepse kufizoi qeveritë, krijoi praktikë të mirë kushtetuese dhe, gjykatësit u emëruan sipas parimit të ballancës.
Pra nuk mbështetet fare teza që kjo Gjykatë u pengua nga korrupsioni!
Sa për Gjykatën e Lartë, ashtu është kishte dhe ka një përceptim të lartë si e “korruptuar”.
E vërteta është se asnjëherë nuk u bë një reformë reale në funksionimin e saj. Për pasojë gjykatësit atje u ndjenë “mbi çdo ligj”.
Çështja është se vettingu ka rritur numrin e çështjeve që presin të gjykohen.
Kjo do të thotë se : do rritet çmimi i korrupsionit!
Pra jo vetëm që korrupsioni nuk u shua, por u shtua dhe me çmim më të lartë!!!
Kështu që vettingu, që gjithnjë e më shumë po bëhet selektiv dhe i pabesueshëm, nuk po e ndëshkon korrupsionin!
Përkundrazi, përveç korrupsionit tashmë drejtësia drejtohet nga qeveria!!! As që bëhet fjalë për pavarësi politike!
Askush nuk guxon të gjykojë qeverinë, qeveritarët dhe të lidhurit me ta!
Ambasadori mund ta dëshmojë vetë këtë gjë…
Ky është realiteti që po jetojnë Shqiptarët, pavarësisht ç’thonë Ambasadorët!
Ndaj skam sesi të jem dakort me këtë realitet e as me deklarimet që e mbështesin atë…
