Don Balon ka lëshuar një bombë në merkato. Sipas mediave spanjolle, Luis Suarez është një hap pranë largimit nga Barcelona. Një zgjedhje që mund të shkaktojë një efekt domino në merkato. Mendohet se destinacioni i sulmuesit uruguaian do të jetë Kina ku pritet të bëhet futbollisti më i paguar në botë …
Barcelona nga ana tjetër është duke e konsideruar largiminin e sulmuesit. Ekipi spanjoll është në pritje të një shifre që do të ofrohet për uruguaianin, për shkak se ka një rënie në formën e lojtarit, i cili nuk ka zhvilluar sezonin më të mirë të karrierës së tij. Mbetet për të mësuar përgjigjen e Suarez, që nuk e ka vendosur akoma se çfarë do të bëjë me të ardhmen edhe pse Kina është e gatshme ta mbulojë atë me ar. Lojtari në këtë mënyrë do të bashkohej me Mascherano-n.
Përflitet se Suarez do të përfitonte diçka më shumë se 150 milionë euro në tre vite. Nëse kjo është e vërtetë, një shifër e tillë do të tejkalonte edhe pagën e Neymar dhe do ta bënte lojtarin e Barcelonës më të paguarim në botë. Suarez, aktualisht është i përqendruar në Botëror, ku Uruguai ka avancuar në raundin e dytë. Megjithatë, të jemi realistë, një shifër e tillë mund ta tundojë …
