Fitorja kundër Kosta Rikës nuk ishte e mjaftueshme për të qetësuar shpirtrat e trazuar të lojtarëve të Brazilit. Lojtari më nervoz gjatë ndeshjes ishte Neymar, i cili qau në përfundim të ndeshjes. Në një intervistë për “Globoesporte”, Thiago Silva ka zbuluar se Neymar e ka sharë në momentin që ai nxori topin jashtë për të respektuar “fair-play”-n.
“Me thënë të drejtën u nervozova nga sjellja e Neymar,” deklaroi mbrojtësi, duke treguar gjithashtu edhe një episod që ndodhi në minutat e fundit të ndeshjes, që me shumë mundësi mund të ketë krisur përfundimisht marrëdhënien mes tij dhe Thiago Silvas.
Gjithçka ndodhi kur rezultati ishte ende 0-0 dhe Thiago Silva, kapiteni i Brazilit në këtë ndeshje (Marcelo kishte qenë në ndeshjen e parë), në një shenjë Fair Play, i ktheu topin Tico-s.
” Kur unë e nxora topin jashtë, pasi vura re që një lojtar i Kosta Rikës ishte i shtrirë në fushë, Neymar filloi të më shante. Jam i bindur që kam bërë veprimin e duhur, sepse nuk ishte topi, që do të na jepte fitoren “.
Thiago Silva gjithashtu tregoi se ishte i qetë dhe e konsideron Neymar-in “një vëlla” pavarësisht se konflikti i ka lënë një shije të keqe.
