Një aksident tragjik ka ndodhur në aksin Kavajë-Rrogozhinë, ku një vajzë e re është përplasur nga një makinë e cila është larguar me shpejtësi më pas, duke e lënë të vdekur në rrugë.
Kalimtarët tregojnë se rruga ishte e mbushur me gjak, ndërsa vajza shikohet e shtrirë në anë të karrexhatës, në pjesën ndarëse mes dy autostradave, raporton Harta Dixhitale e Aksidenteve.
Dëshmitarët okularë thanë se vajza ka tentuar të kalojë nga njëra anë e rrugës për në anën tjetër dhe për pasojë, makina që ka qenë duke udhëtuar me shpejtësi të lartë, e ka përplasur për vdekje dhe është larguar duke e lënë të dergjej e vdekur në asfalt siç duket edhe në këtë foto dhe video.
