Mjaftojnë pak minuta shi dhe Tirana vihet nën pushtetin e përmbytjeve. Nga shiu u mbuluan rrugët kryesore, ndërsa qarkullimi i automjeteve dhe këmbësorëve thuajse u paralizua.
Pamjet e siguruara nga Boldnews tregojnë sesi unaza e vogël është mbuluar nga uji dhe makinat ecin me vështirësi. Edhe në rrugën “Don Bosko” është e njëta situatë. Por kjo situatë, ku në pak minuta shi përmbytet i gjithë qyteti, ka filluar të kthehet në diçka të zakonshme për Tiranën. Pati në disa rruge dhe thyerje te pemeve, si tek Rruga e Kavajes, duke rrezikuar ndjeshëm jetën e kalimtarëve.
(Rruga e Elbasanit e përmbytur)
Edhe sheshi “Skënderbej” është mbuluar nga uji. Kujtojmë që sheshi qendror i kryeqytetit u nderua pak ditë më parë në Barcelonë si sheshi më i bukur në Europë, çmim me të cilin u mburr jo pak kryebashkiaku Erion Veliaj. Por në fakt, ky shesh përmbytet nga vërshimi i ujërave në pak minuta reshje shiu intensive, duke ofruar një panoramë të shëmtuar në mes të verës.
(Foto nga sheshi Skënderbej i mbuluar nga uji)
Ndërkohë, Instituti i Gjeoshkencave paralajmëroi pushuesit të kenë kujdes nga rrufet, pasi kanë aktivitet në rritje, kryesisht në zonat bregdetare. Moti i paqëndrueshëm, me diell paradite dhe shi pasdite, do të jetë prezent gjatë gjithë muajit qershor.
