Të paktën 10 vetë u plagosën rëndë sot në një qytet kinez, pasi një person qëlloi me thikë pasagjerët në një autobus. Përveç udhëtarëve autori vazhdoi të sulmonte dhe udhëtarë në rrugë, siç shkruajnë mediat e huaja.
Të gjithë të plagosurit janë dërguar në spital, ndërsa agresorei është arrestuar pak pas sulmit. Incidenti ndodhi në orën 15.48 të orës lokale, në Xi’an, në verilindje të Kinës, sipas gazetës lokale Huashang.
Në deklaratën e policisë thuhet se autori po merrte autobusin kur ai papritmas nxori një thikë nga çanta e tij dhe filloi të sulmonte udhëtarët.
Ai goditi pesë persona, përfshirë edhe shoferin, përpara se të zbriste, njoftoi kompania e autobusëve për Huashang. Më pas ai sulmoi edhe disa këmbësorë pasi zbriti nga automjeti. Nuk dihen ende shkaqet e kësaj ngjarjeje të rëndë.
Masakër në mes të rrugës, një person sulmon njerëzit me thikë on Vidnews.
