Julian Nagelsmann do të largohet nga Hoffenheim pas sezonit të ardhshëm dhe do të bashkohet me RB Leipzig në verën e vitit 2019. Trajneri i ri gjerman, i cili ka spikatur në vitet e fundit ka rënë dakord me një kontratë katërvjeçare me “Die Roten Bullen”. Nagelsmann do t’i japë fund qëndrimit të tij katërvjeçar me Hoffenheim pas fushatës 2018/2019. Ai ka bërë një punë të shkëlqyer te Hoffenheim gjatë qëndrimit të tij duke i kualifikuar në sezonin e ri në Ligën e Kampionëve, 30-vjeçari tani do të marrë përsipër punën në Leipzig, ku e pret një projekt ambicioz. Duket e çuditshme ky vendim i RB Leipzig, për ta prezantuar trajnerin e ri një vit më përpara, por nisur nga fakti që ai është një nga teknikët më premtues dhe për të shmangur konkurrencën në vitin e ardhshë, ata kanë vendosën të nënshkruanin një parakontratë.
Nëpërmjet një njoftim në fazen zyrtare në “Twitter”, klubi i Leipzig shkruan:
“Zyrtare: Julian Nagelsmann do të bëhet trajneri i RB Leipzig në sezonin 2019/20. 30-vjeçari bashkohet me Leipzig dhe ka rënë dakord për një kontratë me #DieRotenBullen deri në vitin 2023. #Nagelsmann2019”.
Më pas në deklaratën zyrtare shrkuhet: “Nga dita e parë e diskutimeve me drejtorin sportiv Ralf Rangnickand dhe drejtorin ekzekutiv Oliver Mintzlaff, Nagelsmann u konsiderua zgjidhja e parë për sezonin e ardhshëm. Për shkak të kontratës së tij aktuale, RB Leipzig gjithashtu nuk do të komentojë mbi personelin dhe të prezantojë trajnerin e ri të skuadrës për sezonin 2018/2019 në një konferencë për shtyp para fillimit të stërvitjes për këtë edicion”, mbyllet komunikata për shtyp.
Për Nagelsmann pati interes nga disa klube të mëdha, mes tyre Bayern Munchen, që e shikonte si pasuesin ideal të Jupp Heynckes, por çuditërisht 30-vjeçari vendosi t’i refuzojë bavarezët. Ndoshta ai kërkon t’i ngjisë me radhë shkallët, teksa në javët e fundit ishte edhe një opsion për Real Madridin.
