Kupa e Botës 2018 ka nxjerrë tashmë vendimet e para: Uruguaji dhe Rusia janë kualifikuar për në raundin e dytë, Maroku u eliminua, ashtu si Egjipti. Spanja mori më të mirën ndaj Iranit, me pak fat, ashtu si Portugalia, por faza e eliminimit direkt do të jetë diçka krejt tjetër.
Në ditën e tetë të ndeshjeve të Botërorit na ofrohet një program mjaft i mirë. Për të hapur “vallen”, në orën 14:00, do të ballafaqohen Danimarka dhe Australia, me Eriksen dhe shokët, që do të përpiqen për të përsëritur suksesin e fillimit dhe hipotekuar në një mënyrë të rëndësishme kualifikimin.
Në orën 17:00 do të luhet ndeshja e radhës: France-Peru. Pas fitores së lodhshme ndaj Australisë, “Les Bleus” presin të konfirmohen më mirë kundër peruanëve, që nga ana e tyre ëndërrojnë një pasazh historik të kthesës.
Ndeshja e fundit e ditës së tetë të Botërorit është planifikuar në orën 20:00. Kemi të bëjmë me përplasjen e madhe të Grupit D, mes Argjentinës dhe Kroacisë. Leo Messi me shokë nuk mund të bëjnë më gabime, pas barazimit zhgënjyes me Islandën në ndeshjen e fillimit.
