‘Ishin kthyer në tmerrin e pronarëve të banesave në të gjithë Atikën’.
Kështu shkruajnë mediat greke për 5 shqiptarët e arrestuar për mbi 70 vjedhje. Tre prej tyre arritën të largoheshin në datë 19 Qershor nga qelitë e paraburgimit të një komisariatit në periferi të Athinës.
Të arrestuarit janë: Panajot Mahmutaj, Radjon Harizi, Endrit Tahir, Marjus Dedolli dhe Gertian Vrushaj.
Mësohet se vlera e vjedhjeve të tyre shkonte mbi 400 mije euro.
Ditën e martë tre shqiptarët u arratisën në orët e para të mëngjesit nga qelitë e paraburgimit të një komisariatit në periferi të Athinës.
Ata u hodhën nga qelia e ndodhur në katin e dytë të ndërtesës, pasi kishin prerë me sharrë hekurat e dritares së qelisë. Bëhet fjalë për një lartësi 10 metra nga toka.
