Një kapele e cila thuhet se e ka mbajtur Napoleon Bonaparte në betejën e Waterloo është shitur për më shumë se 400.000 dollarë në një ankand në Lyon, Francë.
Shtëpia e ankandit De Baecque tha për CNN se blerësi është një koleksionist evropian i apasionuar për Perandorinë e Parë Franceze.
Kapelja e cila u shit 203 vite pasi perandori francez pësoi disfatë në betejën e famshme, besohet të jetë një nga 120 kapelet ushtarake që mbajti në kokë Napoleoni.
Historianët kanë identifikuar vetëm 19 kapele, shumica prej të cilave tani janë në muze.
Sipas ekspertëve, kapelja u morr nga fusha e betejës pikërisht pas disfatës së përgjithshme të gjeneralit në 1815. Kapelë, e blerë më parë nga një individ privat në vitin 1986, është një nga 19 kapelet ekzistuese që i përkisnin Napoleonit. Një seri shumë e çmuar që I përkistë koleksionit prej 120 copë që perandori mendohet të ketë mbajtur gjatë karrierës së tij ushtarake. Sipas shtëpisë së ankandit, Napoleoni kishte zakon të mbante 12 kapele në shërbim, secila prej të cilave u përdor për rreth tre vjet.
Ankandi i mëparshëm që i është kushturar një prej kapeleve të tjera që i përkisnin Napoleonit, është zhvilluar në nëndor 2014, në një ankand milioner në Paris. Atë e bleu për një total prej 1,884,000 eurosh një koleksionist i Koresë së Jugut. Këto janë “dybrirëshit” e perandorit që ende ekzistojnë në botë dhe ishte pjesë e koleksionit të Pallatit të Princit të Monakos./360grade.al
Kapelja e shitur në ankandin e 2014, per 1.9 milion euro
