Mbrojtësi i Portugalisë, Pepe, tha se është një privilegj për vendin e tij të ketë një futbollist si Cristiano Ronaldo në përbërje, pasi “ylli” i Real Madrid shënoi tre gola në barazimin ndaj Spanjës, në ndeshjen e parë për Kupën e Botës 2018 të ekipit kampion të Europës.
“Kryesorja për ekipin tonë është që Ronaldo të jetë në formë dhe ta vendosim në kushtet ideale për të bërë një punë të mirë, – tha Pepe për gazetarët, përpara ndeshjes së dytë kundër Marokut. – Ai është shumë i lumtur me atë që bëri në ndeshjen e parë dhe me ndihmën që i dha ekipit. Ne duam të nderojmë fanellën dhe kombin tonë dhe jemi me fat që kemi në përbërjen tonë një futbollist si Cristiano Ronaldo. Eshtë arma kryesor e Portugalisë, sekreti i suksesit.”
