Legjenda e Spanjës , Andres Iniesta, ka deklaroi se përfaqësuesja iberike duhet të fitojë me çdo kusht ndaj Iranit, si një hap vendimtar për të fituar Kupën e Botës.
Iniesta, i cili shënoi golin e fitores për Spanjën në finalen e Kupës së Botës 2010 kundër Holandës, do të luajë për herë të fundit një veprimtari madhore, pasi ka marrë vendimin që në vitin e ardhshëm të shkojë në Japoni, me klubin Vissel Kobe, duke lënë Barcelonën.
Spanja e nisi botërorin me barazimin 3-3 ndaj Portugalisë dhe tani do të ndeshet me Iranin, që fitoi 1-0 ndaj Marokun, kundërshtari tjetër për Iniesta dhe shokët e tij.
“Futbollistët duan të fitojnë gjithmonë trofeun më të madh që ekziston, Kupën e Botës dhe ky është synimi ynë në Rusi, – tha Iniesta, përpara ndeshjes në “Kazan Arena”. – Nuk do të jetë e lehtë. Kemi një punë të vështirë për të bërë, por gjithashtu kemi një ëndërr dhe të gjithë jemi të përqendruar te ajo.”
Më pas, Iniesta shtoi: “Nesër, kundër Iranit do të jetë një finale e vërtetë sepse duam të fitojmë me çdo kusht për të realizuar objektivin e parë të Botërorit, fitimin e grupit. Nuk do të jetë e lehtë sepse ata janë një skuadër kompakte me futbollistë që kanë kohë që luajnë së bashkë, por edhe ne e njohim shumë mirë njëri-tjetrin.”
