Ish-kryeministri Sali Berisha ka reaguar menjëherë pas incidentit që ndodhi midis Policisë dhe protestuesve anti-Rama në Dibër e veçanërisht, dhunimit të deputetit Xhemal Gjunkshi nga kjo e fundit.
“Dibra i thyen turinjtë Edvinit, e mbyll në vrimën ku ishte futur me rrogtarët dhe puthadorët e tij! – ka deklaruar Berisha me forcë në rrjetet sociale, teksa ka publikuar videon e protestës. – Narkopolicia, për të mbrojtur Noriegën dhe qeveritarët e lidhur me krimin dhe drogën, në një akt të paligjshëm dhunon deputetin e PD, Gjunkshi dhe qytetaret!” shprehet ai duke dënuar aktin.
Reagimi i PD-së:
Policia e Shtetit dhunon deputetin Xhemal Gjunkshi! Ai po protestonte bashkë me qytetarë kundër kryeministrit Edi Rama, por është tërhequr me dhunë nga Policia duke u penguar të protestojë. Ky qe denoncimi i Partisë Demokratike sot lidhur me incidentin më të fundit që ka shoqëruar vizitën e kryeministrit në Dibër. PD u shpreh se deputeti Gjunkshi kishte shenja të dhunës në trup nga tërheqja e policëve.