Një ngjarje e rëndë është regjistruar mëngjesin e sotëm në tregun e Milotit në Kurbin, ku gruaja ka vrarë me armë zjarri burrin.
Policia njofton se krimi ka ndodhur “rreth orës 07:10, ku Violeta Donaj 35 vjeçe, banuese në Rrëshen, për motive ende të paqarta, ka vrarë me armë zjarri tip pistoletë bashkëshortin e saj, Kujtim Donaj 42 vjeç”.
Menjëherë pas ngjarjes, shtetasja gruaja ka tentuar të largohet por ndërhyrja në kohë e forcave policore ka bërë të mundur kapjen dhe arrestimin e saj në flagrancë si dhe sekuestrimin e armës së zjarrit tip pistoletë me të cilën është kryer krimi, shtuan të njëjtat burime.
Grupi hetimor në bashkëpunim me Prokurorinë e Rrethit Gjyqësor Kurbin, po vazhdojnë hetimet në vendngjarje për zbardhjen e plotë të rrethanave të ngjarjes.
