Autoriteti Rrugor Shqiptar ka njoftuar se autostrada Tiranë – Durrës do të jetë e hapur të dielën për të mos penguar fluksin e mjeteve që qarkullojnë në fundjavë, por do të mbyllet sërish të hënën në mëngjes.
ARRSH njoftoi:
“Me synim lehtësimin e lëvizjes së pushuesve që frekuentojnë plazhet gjatë fundjavës, nga dita e premte ora 12:00 deri mëngjesin e të hënës ora 06:00 aksi rrugor Tiranë-Durrës do të jetë i hapur për kalimin e mjeteve në të dyja drejtimet.
Ditën e hënë ora 06:00 do të mbyllet segmenti Maminas-Sukth ku do vazhdojë ndërhyrja. ARRSH dhe Policia Rrugore do informojnë gjatë ditës së diel për orientimin e trafikut gjatë kësaj ndërhyrjeje.”
