Komentet dhe reagimet anembanë botës pas tregolëshit të Cristiano Ronaldos mbrëmjen e sotme kundër Spanjës janë në kufijtë e të paimagjinueshmes.
Një koment “pikant” ka ardhur pikërisht nga ish-shoku i skuadrës së portugezit në kohën që ai luante te Manchester United, anglezi Rio Ferdinand.
Ish-lojtari i Kombëtares angleze ka hedhur një status në profilin e tij në “Twitter” ku ka shkruar se kjo që po bën Ronaldo në Botërorin e Rusisë është e paligjshme.
Natyrisht një metaforë e gjetur për të shprehur habinë nga kjo paraqitje e shkëlqyer e 5-herë fituesit të “Topit të Artë”.
