Një shqiptar 33-vjeçar është arrestuar mbrëmë në Orta di Atella, provinca e Casertas, i akuzuar si kreu i një bande prej katër personash që më 28 janar grabiti një banesë në Amorosi. Katërshja, e armatosur me pistoleta e thika, mundi të hynte në shtëpi dhe pasi kërcënoi të pranishmit, duke plagosur një nga mysafirët me shqelma e grushta, mori me vete 350 euro.
Hetimet e menjëhershme çuan te shqiptari që kishte kryer edhe në të shkuarën një akt të ngjashëm, në Valle Telesina, i arrestuar më pas nga karabinierët.
Më 2 qershor të vitit të kaluar, 33-vjeçari e banda e tij shqiptare kreu një tjetër krim si këta në Traversetolo, provinca e Parmës. Aty, pasi hynë në shtëpi, lidhën me lidhëset e këpucëve një grua dhe nënën e saj të moshuar dhe vodhën 20 mijë euro plus ojbekte me vlerë.
Nga karabinierët e Parmës ishte arrestuar një nga pjesëmarrësit në grabitje dhe bashkëjetuesja e tij, me akuzën e favorizimit personal.
