Ai dhuroi spektakël ndeshjen hapëse të Botërorit, ku me dy asistet dhe golin e tij i dha fitoren e thellë 5-0 Rusisë ndaj Arabisë Saudite.
Bëhet fjalë për talentin rus, Alexander Golovin, i cili ka mahnitur drejtuesit e Juventusit me paraqitjen e tij.
“Sky Sport Italia” raporton se kampionët e Serisë A, kanë arritur marrëveshjen me përfaqësuesit e lojtarit të CSKA së Moskës.
Kohët e fundit për Golovin është interesuar edhe Arsenali, por drejtuesit e klubit bardhezinj mesa duket janë treguar më të shkathët.
“Mundësia për të marrë Golovin është më shumë se një mundësi”, u shpreh drejtori sportiv i Juventusit, Bepe Marotta, në një prononcim për mediat disa ditë më parë.
