Forca shtesë të Forcave të Ndërhyrjes së Shpejtë do të vendosen në Pikën e Kalimit Kufitar Muriqan, ashtu dhe në kufirin e gjelbër. Kjo është bërë e ditur nga Drejtori i Përgjithshëm i Policisë së Shtetit Ardi Veliu, i cili sot paradite, së bashku me Ministrin e Brendshëm Fatmir Xhafaj inspektoi Piken e Kalimit të Kontrollit Kufitar në Muriqan, informon zyra e shtypit e kësaj ministrie.
Nga ana e tij Drejtori i ri i kufirit Krenar Muça, ka theksuar se me palën malazeze kryejnë kontrolle të përbashkëta në pikat e kalimit si dhe patrullime të përbashkëta në kufirin jeshil dhe në liqenin e Shkodrës, për të parandaluar dhe goditur trafiqet e paligjshme.
Ndërkohë ministri Xhafaj është pritur nga stafi i të dy pikave kufitare, shqiptare dhe ajo e Malit të Zi, çka tregon për një bashkëpunim dhe koordimin mjaft të mirë mes dy policive.
