Tre shpërndarës heroine janë arrestuar nga Policia e Beratit në flagrancë, në pikën e tyre të pritjes së klientëve pranë Poliklinës. Me vete ata nuk dispononin sasi të mëdha droge në momentin e kapjes.
Nga Specialistët e Seksionit për Hetimin e Trafikut të Paligjshëm dhe Narkotikëve u bë arrestimi në flagrancë i shtetasve:
A. H, 25 vjeç, banues në lagjen “28 Nentori”, Berat.
J. Z, 23 vjeç, banues në lagjen “28 Nentori”, Berat.
G. D, 43 vjeç, banues në lagjen “Çlirim”, Berat.
Arrestimi i tyre u bë pasi pranë Poliklinikës në lagjen ”28 Nëntori”, gjet dhe sekuestrua një sasi e vogël heroinë. Materialet i kaluan Prokurorisë së Rrethit Gjyqësor Berat për veprën penale, “Prodhimi dhe shitja e lëndëve narkotike”, parashikuar nga neni 283/2 i Kodit Penal.
