Kongresi i FIFA-s vendosi sot që Botërori 2026 të zhvillohet bashkërisht mes SHBA, Kanadasë dhe Meksikës, të cilët kanë mundur në votim kandidaturën e Marokut. Propozimi nga Amerika e Veriut ka fituar me diferencë të ndjeshme votimin në Kongres, duke marrë 134 vota përballë 65 të propozimit nga shteti afrikan.
Por si votoi Shqipëria? Report Tv mëson se mes dy kandidaturave, Federata Shqiptare e Futbollit votoi për Marokun për të organizuar Botërorin e 2026 dhe jo SHBA. Megjithatë SHBA, Kanadaja dhe Meksika arritën që të fitonin përballë Marokut.
Botërori i 2026 do të jetë i veçantë për shumë arsye. I pari është se do të zhvillohet për herë të parë me një formulë të re, me 48 skuadra pjesëmarrëse. I dyti është padyshim fakti që do të zhvillohet për herë të parë në tre vende të ndryshme.
Votimi i te gjitha vendeve
