Në mbledhjen e sotme të qeverisë është marrë vendimi për rritjen e pensioneve me 2.8%.
Lajmin e bëri të ditur Kryeministri Edi Rama.
“Sot në këtë mbledhje kemi bërë një hap tjetër shumë të vogël, por jo të pandjeshëm për 665 mijë pensionistë. Kemi rritur pensionet mbi inflacionin. Nëse do ti referoheshim shifrave kemi vendosur 15 mln dollarë plus në atë paketën e pensioneve me 2.8%. Duke nisur nga data 1 korrik”, tha Rama në një komunikim për mediat pas mbledhjes së Këshillit të Ministrave në Durrës.
