Urdhëri i Ministrisë së Turizmit dhe Mjedisit për ndëshkimin me forcën e ligjit të subjekteve që derdhin ujërat e zeza në det, ka vënë në lëvizje Inspektoriatin Mjedisor në Lezhë.
49 subjekte janë kontrolluar përgjatë vijës bregdetare të Lezhës që në ditët e para të hyrjes në fuqi në urdhërit, ku janë evidentuar problematika me trajtimin e ujërave të zeza.
Shefi i Kontrollit Mjedisor Ismail Dushku, thotë se nuk janë evidentuar raste të shkarkimit të ujërave të zeza në det, por me mangësi në sistemin e trajtimit.
Dushku: 49 subjekte janë kontrolluar. Ka subjekte me problematika, por u është lënë afat të plotësojnë kushtet.
Këtyre bizneseve u është lënë detyrë plotësimi i kushteteve të kërkurara ose në të kundërt do të përballen me masa ndëshkimore.
Ndërsa bizneset që derdhin ujërat e zeza në det rrezikojnë heqje të lejes mjedisore.
Inspektorati i Mjedisit në Lezhë ka ngritur disa grupe pune të do të monitorojnë në vazhdimësi subjektet që ushtrojnë veprimtari në vijën bregdetare të Lezhës.
Pak ditë më parë në një takim të mbajtur në Prefekturën e Lezhës u vendos ngritja e një task force me përfaqësimin e të gjitha institucioneve e cila do të ketë si detyrë monitorimin e ecurisë së sezonit turistik.
