Rreth 2 orë pas krimit, 31-vjeçari Xhafer Mata ka ndërruar jetë në spital. Ai nuk ka mundur t’i mbijetojë plagës së rëndë të shkaktuar nga një plumb në kokë ndonëse ishte intubuar pak minuta pas ngjarjes.
Xhafer Mata, një 31-vjeçar nga Kalimashi i Kukësit, ka qëlluar për vdekje 19-vjeçaren Xhuljeta Çuni, nga Vinjolli i Matit, e më pas ka shtënë edhe ndaj vetes. Vajza ka ndërruar jetë në vend, ndërsa agresori është transportuar për në Spitalin e Traumës, ku edhe ka ndërruar jetë pas disa orësh në Reanimacion.
Ngjarja rikthen në kujtesë atë të ndodhur disa muaj më parë në një tjetër zonë të kryeqytetit, pranë Fakultetit të Mjekësisë, ku një djalë qëlloi për vdekje një studente për shkak se refuzonte të ishte e dashura e tij.
