Portieri i Liverpoolit, Loris Karius, iu është nënshtruar një skanimi në kokë në SHBA, për shkak të shqetësimeve që kishte pas përplasjes me Sergio Ramos në Ligën e Kampionëve.
Karius, 24 vjeç , përfundoi ndeshjën duke bërë dy gabime vendimtare që kontribuan në fitoren 3-1 të Real Madridit.
Gjatë ndeshjës portieri gjerman u përplas me Ramos pas një ekzekutimi të kornerit, ku edhe thuhet vjen burimi i këtij lëndimi.
ESPN raporton se ekipi mjekësor i Liverpoolit ishte i shqetësuar për gjendjen e Karius pas asaj tronditje që pësoi nga Ramos.
Karius shkoi në SHBA për pushime, e pastaj u dërgua në Boston për të vizituar një specialist – Dr Ross Zafonte me urdhër të ekipit mjekësorë të Anfield.
Zafonte është njeriu kryesor në trajtimin e lojtarëve të NFL që kanë pësuar trauma të kokës dhe Karius u dërgua për ta vizituar atë pas konsultimeve me pronarët e Liverpoolit me bazë në Boston, Fenway Sports Group.
Liverpool nuk pranoi të komentonte kur u kontaktua nga ESPN FC.
