Të paktën 9 refugjatë, midis tyre 6 fëmijë që po shkonin në Evropë me varkë janë mbytur.
Ngjarja ndodhi mesditën e së dielës kur varka me 15 persona u përmbyt në brigjet e Mesdheut në Turqi.
Ishin rojet bregdetare turke që vunë re varkën që u mbyt në juglindje të ishullit të Kekova Geyikova.
Rojet bregdetare turke dërguan menjëherë në vendin e ngjarjes katër anije, një aeroplan dhe një helikopter.
Ekipet e kërkim-shpëtimit shpëtuan tre burra dhe një grua, ndërsa një anije peshkimi pranë raportohet se shpëtoi një burrë tjetër. Një person rezulton i zhdukur dhe ekipet po kërkojnë për ta gjetur.
Rojet bregdetare gjetën më vonë trupat e gjashtë fëmijëve, dy burrave dhe një gruaje.
Nuk dihet ende kombësia e refugjatëve.
