Lazio është duke u përgatitur për projektin që do të ndjekë në sezonin e ardhshëm, për të marrë atë që Interi i mohoi në kampionatin që sapo përfundoi, një vend në Champions League.
Për këtë është duke punuar drejtori sportiv i lacialëve, Igli Tare. Ai është duke punuar për transferimin e disa futbollistëve të rinj, që pritet të ndihmojnë skuadrën për objektivin e vendosur nga ana e klubit.
Nga ana tjetër sa i përket të ardhmes së Strakoshës, “Sport Il Messagero” njofton se është Lotito ai i cili i vendos një “mur” gardianit shqiptar, për të penguar transferimin e tij në një ekip tjetër.
Strakosha shihet si një element kyç për sezonin e ardhshëm dhe sipas të gjitha gjasave do të vazhdojë të jetë pjesë e Lazios.
