Një 17-vjeçar në qytetin e Bilisht është shoqëruar në polici, pasi vodhi regjistrat e shkollës së mesme. Arsyeja që adoleshenti K.Ç. e bëri këtë ishte për shkak të numrit të madhë të mungesave.
Pas plotësimit të numrit të mungesave të pajustifikuara, 17-vjeçari duhet të përsëriste vitin shkoll e për këtë arsye kreu këtë akt.
Ngjarja ka ndodhur gjatë natës, por megjithatë policia ka mundur të veprojë në kohë dhe të sekuestrojë regjistrat e vjedhur.
I riu i kishte marrë dhe fshehur regjistrat poshtë një peme, dhe pasi është marrë në pyetje nga policia deklaroi se rrezikonte të humbte vitin.
“Më datë 31.05.2018, specialistët e Seksionit për Krimet në Komisariatin e Policisë Devoll, filluan procedimin penal në gjendje të lirë ndaj shtetasit: K.Ç, 17 vjeç, banues në Bilisht. Pasi shtetasi i më- sipërm dyshohet të jetë autor i vjedhjes së regjistrave të maturës së shkollës së mesme në Bilisht, ngjarje e ndodhur gjatë natës, të cilët më pas iu gjetën dhe sekuestruan me cilësinë e provës materiale këtij të fundit,” njofton policia.
