Presidenti amerikan, Donald Trump kritikoi Kanadanë, me akuzën se po i trajton shumë keq fermerët amerikanë me vendosjen e masave tregtare mjaft kufizuese.
“Kanadaja për një kohe të gjate i ka trajtuar shumë keq aktivitetet tona në fushën e bujqësisë si dhe fermerët tanë. Shumë kufizuese ndaj tregtisë. Ata duhet të hapin tregjet dhe të rrëzojnë barrierat tregtare. Ata kanë një suficit mjaft të madh në tregtinë që kryejnë me ne”, shkruan Trump.
Presidenti amerikan iu referua gjithashtu mosmarrëveshjes për lëndën drusore që përdoret në ndërtim, një çështje që rëndon prej vitesh në marrëdhëniet tregtare amerikano-kanadeze.
