Kryeministri Edi Rama ishte sot i pranishëm në Konferencën Kombëtare të Punësimit ku u ndal në arritjet e qeverisë në kuadër të nismës për rritjen e numrit të të punësuarve.
Në fjalën e tij, Kryeministri Rama theksoi se rruga drejt arsimit profesional është mundësi mjaft e mirë për të gjetur një punë.
Për këtë aryse, ai solli shifra konkrete që sipas tij tregojnë edhe një herë se numri i atyre që ndjekin arsimin profesional është rritur në mënyrë të ndjeshme.
“Sfida është nxitja e arsimit profesional. Jo vetëm në aspektin e arsimimi, ku shifrat flasin qartësisht, ku sot ata që ndjekin arsimin profesional është 20 % më shumë se ata që kryejnë universitetin. Por edhe në aspektin tjetër, aspektin e aftësimit për punë për ata në moshë më të lartë që dalin nga skema e ndihmës ekonomike”, tha Rama.
