Këto në fotografitë më sipër janë armatimet dhe veshjet e perdorura si maskim nga një grup kriminal ende i pazbuluar, që u gjetën dje në mesditë në një banesë tek Shkëmbi i Kavajës në Durrës. Banesa ishte në pronësi të 56-vjeçarit Xhevahir Lushka, person në kërkim tashmë.
Përmbarimi sekuestroi dje rreth orës 14:30 një apartament në katin e gjashtë të një pallati për llogari të një banke, por rastësisht ka zbuluar se ajo ishte baza sekrete e një grupi kriminal që dëshmohej me provat e gjetura: 1 snaiper; 1 automatik; 1 pistoletë; 4 sileciatorë; krehëra me fishekë; marijuanë; fenelina, mjete dhe veshje policie, kapuçë e doreza.
