Ish-mbrojtësi i Partizanit bëhet trajner në Maltë, prezantohet me bluzën e Kombëtares
Ish-lojtari i Partizanit, Rigers Çeka, ka marrë drejtimin e klubit Siggiewi në kampionatin maltez.
34-vjeçari shqiptar luajti në Maltë për disa vite, ndërsa sezonin e kaluar ai ishte trajneri i ekipit të të rinjve, duke u renditur në vendin e 6-të.
Atij iu besua ekipi i Divizionit të Dytë, ku nënshkroi edhe një kontratë së bashku me presidentin dhe zëvendës presidentin e klubit.
Gjatë nënshkrimit të kontratës, Çeka pozoi me fanellën e Kombëtares shqiptare me numrin 7.
Lajmi për emërimin e shqiptarit si trajner u bë publik nga vetë klubi maltez në faqen zyrtare.
