Të gjithë e dimë se në këtë periudhë të vitit kemi nevojë për shumë pushime. Lum ata që kanë mundësi t’i shfrytëzojnë këto ditë dhe të bëjnë ato të shumëdëshiruara pushime. Dhe sigurisht që ne u referohemi VIP-ave tanë, të cilët kanë ‘luksin’ për t’i shijuar ato.
Por destinacioni i preferuar s’qenka vetëm Italia apo ndonjë vend ekzotik. Turqia qenka një destinacion i parapëlqyer gjithashtu i tyre. Ne arritëm nëpërmjet postimeve në “Instagram” të kuptonim se jo vetëm këngëtarja e famshme Aurela Gaçe, por edhe bukuroshja Viola Spiro paska zgjedhur Stambollin për të shijuar disa ditë larg punës. Fotot e postuara në “Instastory” tregonin se bukuroshja bionde nuk ishte vetëm, por me motrën, Petrulën. Një udhëtim i veçantë ky mes motrash! Ky duhet të jetë vetëm fillimi i një rrjeti udhëtimesh të tjera. Vera është e gjatë!
