44 gola në këtë sezon, 10 prej të cilëve në Champions League.
Fitorja ndaj Real Madrid në Kiev do të ishte “qershia mbi tortë” për sezonin e artë të Mohamed Salah, shkruan e përditshmja spanjolle “AS”.
Por gjatë konferencës për mediat egjiptiani ka folur edhe për idhujt e tij të fëmijërisë ku mes tyre është edhe Zinedine Zidane.
“Totti, braziliani Ronaldo dhe Zidane. Ata që unë kam adhuruar ishin krejtësisht ndryshe nga të tjerët në mënyrën si luanin futboll”, tha fillimisht ai.
“Puna e fortë në stërvitje ka qenë çelsi i gjithçkaje. Kryesorja është që të qëndrojë në këto nivele edhe vitin e ardhshëm. Tani po mendoj vetëm për finalen e madhe. Në Romë bëra dy sezone me nivel dhe nisa të besoja te vetja ime. Kërkova të shkoja në Angli sepse e dija që do të isha i suksesshëm dhe fatmirësisht ia dola në sezonin e parë.”, përfundoi ai.
